खजूर सफरचंद लोणचं

खजूर सफरचंद लोणचं:

साहित्य: पाव की  सीडलेस खजूर, 4 लिंबं,  तीन सफरचंद, तीन चमचे लाल तिखट, 100 ग्रॅम म्हणजे एक वाटी गूळ, अर्धा टीस्पून शेंदेलोण, अर्धा टीस्पून पादेलोण, एक टीस्पून जीरं पावडर, एक टीस्पून साधं मीठ
कृती: खजुराचे चार तुकडे होतील असे तुकडे करावे.  लिंबाचा रस काढून घ्यावा. गूळ बारीक चिरावा.  सफरचंद धुवून पुसून बारीक फोडी कराव्या. स्टीलच्या किंवा काचेच्या भांड्यात  सफरचंद फोडी, खजूर, गूळ, लिंबाचा रस, शेंदेलोण, पादेलोण, मीठ, तिखट, जीरं पावडर सर्व एकत्र करावे. एक दिवस तसेच ठेवून मुरू द्यावे. दुसऱ्या दिवशी खायला घेता येते.

चव अप्रतीम!!!
मिनल सरदेशपांडे