उपासाचे काकडीचे घावन: 
साहित्य: वरी पीठ एक कप, गूळ किंवा साखर अर्धा कप, काकडी किसून अर्धा कप, ओलं खोबरं पाव कप, मीठ चवीनुसार, तेल, पाणी
कृती: काकडी किसून घ्यावी त्यात गूळ, खोबरं, मीठ मिसळून झाकून ठेवावे. गूळ पूर्ण विरघळला की त्यात वरी पीठ घालावे. थोडे पाणी घालून धिरड्याच्या पिठा इतके सरसरीत पीठ करावे. अति पातळ नको. बिडाचा तवा तापत ठेवावा. तापलं की अर्धा टीस्पून तेल पसरावे. पळीने मिश्रण तव्यावर घालून झाकण ठेवावे.
दोन मिनिटांनी बाजू बदलावी. दोन्ही बाजू भाजून घ्याव्यात, तयार घावन तुपासोबत किंवा लोण्यासोबत मस्त लागतात.
दोन मिनिटांनी बाजू बदलावी. दोन्ही बाजू भाजून घ्याव्यात, तयार घावन तुपासोबत किंवा लोण्यासोबत मस्त लागतात.
✍🏻 गुळाऐवजी साखर घेतल्यास पटकन निघतात.
गूळ जास्त झाला तर घावन तव्याला चिकटते, अशा वेळी थोडे पीठ आणि पाणी वाढवावे.
✍🏻मीनल सरदेशपांडे
कोणत्याही टिप्पण्या नाहीत:
टिप्पणी पोस्ट करा