रताळ्याचे गोड काप

रताळ्याचे गोड काप:

साहित्य: चार मध्यम रताळी( दीड कप काप), अर्धा कप ओलं खोबरं, चिमूटभर मीठ,  1/3 कप गूळ , दोन टीस्पून तूप
कृती: रताळी स्वच्छ धुवा, सगळी माती जाऊ द्या. नाहीच गेली तर तेवढा भाग सोलून काढून टाका, पूर्ण साल काढू नका. पातळ काचऱ्या करून घ्या.

कढईत तूप तापवा, सगळ्या कढईला नीट लावून घ्या. त्यात काप घालून परता. झाकण ठेवून दहा मिनिटं किंवा शिजेपर्यंत अधूनमधून ढवळत वाफ काढा.

काचऱ्या शिजल्या की त्यात बारीक चिरून गूळ, खोबरं, मीठ घालून ढवळा. अगदी चमचाभर पाणी घाला, झाकण ठेवू नका. मंद गॅसवर गूळ विरघळला की खमंग गोड काप तयार!
✍🏻 मीनल सरदेशपांडे