साहित्य:
पाच अळूची पाने, पाव वाटी चिंच, पाव वाटी गूळ, दीड चमचा लाल तिखट, मीठ, पाव चमचा हळद, तीन वाट्या पाणी, दोन वाट्या थालिपीठ भाजणी, अर्धी वाटी तेल, अर्धी वाटी ओलं खोबरं.
कृती:
अळूची पानं स्वच्छ करून पुसून घ्यावीत. त्याच्या मधल्या शिरा काढून घ्याव्या. चिंच पाण्यात भिजवून कोळ काढावा. गूळ बारीक चिरून घ्यावा. तीन वाट्या पाणी घ्यावं. त्यात गूळ, मीठ, चिंचेचा कोळ, तिखट, हळद घालावं. चव बघावी. आता भाजणी मिसळावी. पीठ पानावर पसरून लावता येईल इतपतच सैल करावे. लागल्यास पाणी घालावे. अळूचे पान उलट करावे. त्यावर पीठ लावावे. त्यावर दुसरे पान ठेवावे. समोरची बाजू आणि कडा आत दुमडून परत पीठ लावावे. आता वडी घट्ट गुंडाळून घ्यावी. त्याला दोरा गुंडाळावा.
पण आमच्याकडे तळण्यापेक्षा फोडणीत परतून जास्त आवडतात. उंडे छोट्या चौकोनी फोडी करून चिरावे. कढईत तेल तापत ठेवावे. मोहोरी, हिंग, हळद आणि थोडे तिखट घालून त्यात चिरलेल्या अळूवड्या घालाव्यात. ओलं खोबरं घालावं. छान परतावं. तयार आहे अळवाचा पळवा! चला आता पळवा पटापट!
कोणत्याही टिप्पण्‍या नाहीत:
टिप्पणी पोस्ट करा