चीज शंकरपाळे:

साहित्य: 200 ग्रॅम मैदा, 100 ग्रॅम चीज, दोन चमचे ओवा, दोन चमचे लाल तिखट, दोन चमचे तेल, मीठ, तळणीसाठी तेल

कृती: ओवा मिक्सरला भरड करून घ्यावा. मैद्यात ओवा पावडर, मीठ, तिखट मिक्स करावे. तेल गरम करून ते मैद्यात घालून सगळीकडे नीट चोळावे. चीज किसून घ्यावे. तयार मैद्यात चीज नीट मिसळावे. लागेल तसे पाणी घेऊन घट्ट पीठ मळावे. अर्धा तास झाकून ठेवावे. छोटी लाटी घेऊन लाटावी, शंकरपाळे कातून घ्यावे.

 तेल तापत ठेवावे. चांगले तापले की गॅस मंद ठेवून शंकरपाळे तळून घ्यावे. गार झाले की छान कुरकुरीत होतात.