होममेड आलं लिंबू पाचक

साहित्य:

     पाव की आलं, सहा लिंबं, एक चमचा शेंदेलोण( सैंधव), एक चमचा पादेलोण, अर्धा चमचा हिंग
कृती: 
     आलं स्वच्छ धुवावे. सगळी माती निघण्यासाठी पाण्यात तासभर भिजत ठेवावं. काचऱ्या करून मिक्सरला बारीक फिरवावे. पाणी अजिबात घालू नये. फिरवलेल्या आल्याचा रस गाळून घ्यावा. लिंबं धुवून, पुसून रस काढावा. आल्याचा आणि लिंबाचा रस एकत्र करावा. त्यात शेंदेलोण, पादेलोण आणि हिंग घालून मिक्स करावे. चव बघून लागल्यास मीठ घालावे. हे तयार पाचक फ्रीजमधे महिनाभरही टिकते.
आता जेव्हा घ्यायचं असेल तेव्हा एक चमचा पाचक ताकात किंवा पाण्यात घालून घ्यावं. या पाचकला फिकट गुलाबी रंग येतो. आलं लिंबू एकत्र केलं की तो येतो.