साहित्य:
पाव की फरसबी, पाव की पनीर, एक टॉमेटो, दोन कांदे, एक चमचा पावभाजी मसाला, अर्धा चमचा लाल तिखट, पाव चमचा हळद, दोन चमचे तेल, मीठ
कृती:
फरसबी धुवून दोरे काढून आवडीप्रमाणे चिरावी. कुकरमध्ये फरसबीत पाणी न घालता फ़क्त खाली पाणी घालून वाफवून घ्यावी. पनीरचे तुकडे करावे. कांदे, टॉमेटो अर्धे लांब चिरून घ्यावे. कढईत तेल तापत ठेवावे. त्यात कांदा, टॉमेटो घालून मंद गॅसवर छान परतावा. त्यात पावभाजी मसाला, लाल तिखट, हळद घालून परतावे. आता शिजलेली फरसबी (पाणी सुटले असेल तरी ते न घेता) घालावी. पनीरचे तुकडे घालावे. मीठ घालून परतावे. पाच मिनिटं झाकण ठेवून छान वाफ काढावी. मुलांच्या आवडीची भाजी तयार आहे!
कोणत्याही टिप्पण्या नाहीत:
टिप्पणी पोस्ट करा